- KINSHASA : Na bansangu yayi, beto ta tubila kukonda ya Essence na bisika mingi ya yau ke tekamaka awa na bwala kimfumu, Kinshasa.
- BUNIA : Na kizunga ya Ituri, kimvuka mosi ya bimpumbuku ya Codeco kangaka mpe kwenda ti bantu makumi tatu na zole ya ke timunaka matadi ya ntalu na dibuku ya Blanket.
- KINDU: Na kizunga ya Maniema, mvula ya nokaka na Kalima me bebisa bima mingi. Banzo me tinda na masa, bimvua me bukana.
- BUNIA: Ngatu kele diaka ve, makesa ya nsi ya Ouganda kele bubu yayi na kizunga ya Ituri, tuka kilumbu ya sabala me luta. Ba Updf yina monanaka na bwala Burasi ya kele na mwa ntoto ya Mitego na nsi ya Territoire ya Irumu. Nsangu ya me ndimama na ndambu ya bambuta ya FARDC ya me lomba na nkangu na kupesa makesa yina maboko.
- GOMA: Na kutala bumvuanzi nionso ya bimpumbulu ya ba Adf ke na kusala mingi na kizunga ya Kivu ya zulu, ya kele ntumwa ya nkangu Kiro Tsongo ya me lomba na mbula matadi na kusambisa bayayi nionso ya me kangamaka ; ya vanda mpe bansadi na bau ya kangamaka na mbanza Beni.
- DOCTEUR NATACHA: Luyalu ya kizunga ya Tanganyika fwete kulandila mbote mbote kimbefo ya wazi na ndambu ya makanda na yau nionso. Ndinga na mono ve, kansi ya mbuta ya luyalu ya kizunga yayi ya ke talaka mambu ya mavimpi, mingi na dibaku ya nza banzilaka kigonsa ya wazi yayi. Na mvula me luta me zabisa munganga Natacha mulange Mpundu, bantu nkama tanu na makumi nana na zole bakaka yau.
/sites/default/files/2022-02/0202022-p-k-journalkikongomatin-00.mp3
