- KINSHASA : Na bansangu yayi, beto ta tubila mukanda ya IGF me katuka na kubasisa mingi na yayi me tadila kutambula ya banzo tanu ya kele na nzo ya bisalu ya luyalu ya ke talaka mambu ya mavimpi.
- GOMA : Mpe na Kivu ya zulu, beto ta tubila mpasi ya nzo ya ke taninaka bana nswena na zina ya "Tukinge Yatima" ya kele na Kasindi ; nionso yayi na nima ya lufwa ya mwana mosi samu na kukonda nsadisa.
- KINSHASA : Bambuta ya luyalu ya bansi ya CAE ya me ndima kukota ya nsi na beto na kati ya kimvuka yayi.
- KINSHASA : Na mvutu na bau mingi na yayi me tadila mukanda ya bisalu ya CENI ya basikaka na kilumbu ya tatu ya ngonda yayi, banganga mayele ya CENCO, ya vanda mpe ya ECC me lomba kaka na mfumu ya nsi, na nzo ya kinzonzi, mpe na luyalu na konso bantu kulungisa nsatu ya CENI samu na bisalu na yau kuluta mbote.
- BUKAVU : Kansi na Kivu ya nsi, nsangu kele ya kiteso ya bana nkama mosi na makumi nsambwadi ya ba kotisaka na ndonga ya bimvuka ya makesa na mvula me luta. Mpe bana kiteso ya makumi tanu bakaka lufwa ; bayankaka bakamaka na ngolo. Nionso yayi me zabana na kilumbu ya sabala me luta na mbanza Bukavu, na dibaku ya kilumbu ya nza bazilaka luzingu ya bana ya me kuma makesa. Kansi, na ndonga ya makesa ya nsi, ata mwana mosi ve ya kele na kati.
- BRAZZAVILLE : Nsangu yankaka na suka yayi kele ya kusimba ya lukutakanu ya Oyo na nsi ya Congo-Brazzaville na dibanza ya mfunu na yau, mbuta Denis Sassou Ngwesso. Na lweka nandi, monanaka mbuta Felix Tshisekedi, ya Kongo Kinshasa, mbuta Faure Gnassimgbe ya Togo, bwela diaka mbuta Yoweri ya Ouganda. Na zulu ya mesa, mambu ya politiki, mpe ngemba na ndambu ya ntoto na beto y’Afrika ya mazanga ya nene mpe ya Ouesete.
/sites/default/files/2022-02/1402022-p-k-journalkikongomatin-00.mp3
