- KINSHASA : Kubwa ya nsinga mosi ya Snel, mazono, na zandu ya Matadi Kibala na nsi ya mvula me pesa lufwa na kiteso ya bantu makumi zole na sambanu.
- BUNIA : Na kizunga ya Ituri, bimpumbulu ya Codeco me fwa kiteso ya bantu makumi tanu na uvua ; mpe bantu mingi yankaka me lwala na mpimpa ya mazuzi.
- MBUJI-MAYI : Nsangu ya kiese na Kabinda. Kuna, me banda diaka na kubasika. Nionso yayi na nima ya ngonda mosi ya kuzengana na yau.
- KINSHASA : Samu na kubambula beno Mbundu, kisumbula ya nene salamaka na suka ya mazono na zandu ya Matadi Kibala ya kele na Commune ya Mont Ngafula awa na mbanza Kinshasa. Kiteso ya bantu makumi zole ya ke tekaka na zandu yayi.
- TEMOIGNAGE OFFICIER : Mpe ntwadisi yayi ya bapulusi ya bankundi na beto kutaka na sika yayi ; kansi ya zolaka ve kupesa zina nandi me zabisa ti diambu yayi ya mpasi me kuma samu na kukonda ya kubongisa bisadilu ya Snel ya me sala mingi ; beno landa yandi : + SON
- SNEL: Ya kieleka, Snel me bokuta mingi samu na kisumbula yayi ya Matadi Kibala. Kikuma na kutendula ya Snel, bantu ke buya na kuzitisa bansiku ya nsi. Na kutuba ya ntwadisi ya Compagnie yayi ya ke talaka mambu ya bansangu, Snel konso ntangu ke na kubenda makutu ya bantu na kusumba ve bapangu mpe na kutunga ve banzo na nsi ya bansinga ya Snel ya kele kigonsa ya ngolo.
- BUNIA : Kiteso ya bantu makumi tanu na zole me baka lufwa na nima ya bumvuanzi ya bimpumbulu ya Codeco salaka na mpimpa ya mazuzi na « Plaine Savo » sika ya ba me tulaka bantu ya mvita na babwala na bau, mingi na kiteso ya ba km makumi uvua na na kukuma na Territoire ya Djugu.
- MONUSCO : Mpe na ndambu na yau, Monusco me bula nkoemi na zulu ya mesa, na kutala mutindu ya bantu ya ke na kuzaba kima mosi ve fwete kubaka lufwa mutindu yina. Na ntendula nandi, mbuta Jean-Tobie Okala, ya ke talaka mambu ya bansangu ya Monusco kuna kizunga ya Ituri, mbala mosi Monusco kwendaka kunuanisa bimpumbulu yina, mpe kukula bau na nima ya kiteso ya bantangu zole na ndambu.
/sites/default/files/2022-02/0302022-p-k-journalkikongomatin-00.mp3
