Fichier audio : téléchargez Flash pour écouter.
” Inki me bikala na nima ya ndambu yantete ya kuponama? Inki me bongisa manaka ya kuponama yayi ? ”
* Ya seleka, Matand mambu kele mingi na yayi me tadila bansisani. Ya zola tuba ti na kati ya mbala yantete, mpe ya zole ya kuponama ya mfumu ya insi, kele ti mwa bamambu diaka yankaka ya fwete kusalama, na ntwala ya kusalama ya luyalu ya insi. Mambu nionso fwete kusalama, kubanda kilumbu ya 29 ya ngonda ya kumi ti na kilumbu ya 20 ya ngonda ya kumi na zole ya mvula yayi; kilumbu ya kuzibuka ya bisalu ya bainzo ya binzonzi na ndambu ya bizunga. Kansi na kati awa, kima yankaka diaka kele Jacques Matand, kele mingi kuponama ya bambuta na ndambu ya Senat, bantwadisi ya bizunga, bwela diaka bilandi na bau. Kima yankaka ya kusimba kele ti kuponama ya bantumwa ya nkangu na ndambu ya bizunga ke simbama kilumbu mosi ti mbala ya zole ya kuponama ya mfumu ya insi; ya zola tuba mingi na kilumbu ya 29 ya ngonda kumi. Mpe na kilumbu ya 19 ya ngonda kumi na mosi, kele kilumbu ya CEI ta basisa ndambu yantete ya matonsi ya mbala ya zole ya kuponama ya mfumu ya insi. Mpe bisalu ya kubika mikanda ya kubokuta to ya kubuya matonsi ya mbala ya zole ya kuponama ya mfumu ya insi na ndambu ya Cour Supreme ya Justice, ke banda na kilumbu ya 20 ti kuna kilumbu ya 22 ya ngonda kumi na mosi.
Mpe inzo yayi ya nene ya masonga ya insi na beto ta banda kulonguka yau, katuka kilumbu ya 23 ti kuna 29 kaka ya ngonda ya kumi na mosi; mpe na nsuka ya ngonda ya kumi na mosi ya Cour Supreme ya Justice ta basisa matonsi ya nsuka.
” Kansi, Konso Musiyer Afrika, inki diaka ya me bikala samu na manaka yayi ya kuponama ? ”
* Jacques, kilumbu ya tanu ya ngonda kumi na zole ya mvula yayi, kele mingi kilumbu ya CEI ta basisa ndambu yantete ya matonsi ya bantu nuaninaka biti na ndambu ya bainzo ya binzonzi na ndambu ya bizunga; kilumbu ya 8 ya ngonda kumi na zole, kele samu na bantu ya ke yima-yima to ya ke buya matonsi yayi fwete kusonika. Mpe kele Cour d’Appel fwete kulonguka mikanda nionso yayi, katuka kilumbu ya 9 ya ngonda kumi na zole ya mvula yayi, ti kuna kilumbu ya 9 ya ngonda yantete ya mvula ke kwiza. Kuponama ya bambuta ya Senat kele na kilumbu ya 29 ya ngonda kumi na zole ya mvula yayi, mpe le 16 Janvier kele kuponama ya mbala ya ntete ya bantwadisi ya bizunga, bwela diaka bilandi na bau. Na kumanisa, Matand Diyambi, samu na yayi me tadila kuponama ya bamfumu ya babwala, ya bacommune, manaka na yau ba zabana na nima ya kuponama ya bansiku ya me tadila kukabula bizunga, badistrict, territoire na ndambu ya inzo ya kinzonzi ya me katuka kuponama.
Texte de DONAT MADIMBArnTraduit en Kikongo par rnFolquin Konso
