Ngumu ya mu dinda
- Kinshasa:Léopards wa ditunga dia RDC uvua mutshimuna kumpala kua TAIFA STAR wa ditunga dia tanzavie. Ditshimuna edi didi dia ndekelu bua kuya ku CAN 2025 wikala mu ditunga dia Maroc.
- Kinshasa : bena cours de cassation bavua bapinganyina mudimu wabu makelela mushala . tshibilu tshivua tshienzenkela ku palais du peuple kumpala kua mfumu wa ditunga .
- Kinshasa : azadho udi musanka ne dipangadika diangata kudi bena cpi bua kuenza makebuludi ku malu a kanawu menza mu polovense wa nord kivu. Bua mulombodi wa azadho , bualu budi ne tshia kusaka bantu bua kushintulula ngikadilu wabu .
- Kananga:ku Kasaï-Central, kabadi ka basalayi ka ku Kasaï-Occidental wa kale kavua kakosela mu dimua dishala bantu basatu bavua kale bena Kamuina nsapu tshibawu bua didisanga nu tshisumbu tshia ntoboji
- Beni:Nord Kivu, bua mufikulu wa bidimu 10 bia bantu bavua bashipa mu tshibungi mu tshimenga tshia Beni , misa munena uvua mukungija bitendeledi bia bungi anyi messe œcuménique uvua muimba mu stade de Ngadi de Beni mu dibid edi.
- Goma : volcan Nyamulagira uvua muluka kapia . ne bilondeshela bena ovg , kadia aka kadi kaya mu parc wa virunga .
- Goma : ku nord kivu , katshia bukalenga bua ditunga bangata amua mapanagdika bua ngendu ya pa mayi kunyima kua lufu lua bantu bavua badina ne mazuwa mu lac kivu , bantu bakadi banemeka mikenji nanga nanga ngendu ya butuku .
- Matadi: Ku Matadi , bena malu a douane bavua bimanyika mudimu katshia ngondu ewu wa tuadija , bashisha kutuadija mudimu.
- Kinshasa : bena ecole Saint Tharcisse ku Kimbwala badi bela lubila balomba diambuluisha . tshilongedi etshi ntshipanga mayi . milonda yonsu mikama.
- Kinshasa:Département d'Etat wa usa mupesha mu dibidi edi bena Inspection Générale de la Police Nationale Congolais biamua bia informatique.
- /sites/default/files/2024-10/161024-p-t-journal_tshiluba_matin_web_.mp3
