- BENI : Na bansangu yayi, beto ta tubila mavuanga ya lutaka mazono na mbanza Beni, na kutala mutindu ya bimvuka yankaka ya nkangu lombaka na muntu nionso kubikala na nzo nandi, wapi bisalu nionso ya munkiti kangamaka.
- BUKAVU : Na mbanza Bukavu, kuna, nsangu kele ya luyantiku ya ndambu ya zole ya kupesa mangwele ya kimbefo ya Corona Virus.
- KINDU : Na mbanza Kindu, Kisangani bwela diaka Butembo, minganga me ndima na kuvutukila kisalu na bau.
- BENI-TERRITOIRE : Mpe na yau mosi Territoire ya Beni, bimvuka ya nkangu, mpe bimvuka yankaka ya ke la ndilaka banswa ya bantu ke pesa nsangu ya kutambula ya bimpumbulu ya ba Adf, ya ke na kukatuka na ndambu ya Esete, mpe ya ke na kukwenda na ndambu ya Ouesete ya Territoire.
- GOMA: Beto bikala kaka kuna na Kivu ya zulu, wapi mfumu ya kizunga me lomba kuvukisa mabanza ti bizunga ya ke na kukabula bandilu ti bau; ya vanda mpe ti nsi ya Rwanda, Ouganda, mpe Burundi samu na kusosa kuvutuka ya ngemba ya kieleka na ndambu yina ya nsi na beto. Lieutenant-général Constant Ndima Kongba monisaka zola nandi yayi na kilumbu ya sabala me luta, mingi na ntangu ya makesa monisaka na ntwala ya bapanzi kimvuka mosi ya bimpumbulu.
- MATADI : Mazono, mbuta Felix Tshisekedi lungisaka bamvula tatu na kiyeka ya nsi na beto. Na kilumbu yina ya makumi zole na iya ya ngonda yantete, nsobasani ya kimfumu salamaka na ngemba nionso na kati ya mbuta Felix Tshisekedi mpe muntu ya yandi yinga, mbuta Josep Kabila.
- BUTEMBO : Na mbanza Butembo, ba infirmiers mpe bakalaka ya banzo ya lusansu ya mbula matadi me ndima na kuvutukila kisalu na nima ya bangonda sambanu ya ba buyaka kisalu. Nionso yayi na kulanda kutulama ya maboko ya mukanda ya ngwakana na kati ya bantumwa na bau mpe luyalu na sabala me luta.
/sites/default/files/2022-01/25012022-p-k-journalkikongomatin-00_.mp3
