Keti Kuponama ya zole ya mfumu yansi lunga ya seleka kubasisa mfumu yansi ? mpe kuponama ya tatu to ya iya yankaka ta salama ve ?

Mireille Bukasa: Beto banda na kupesa nvutu na ngiuvula yai ya nsuka. Kuponama ya tatu to ya iya tasalama ve samu nsiku kuyidikaka yau ve. Nsiku ya nsi bwela diaka nsiku ya kuponama me yidika kaka kuponama ya ntete mpe ya zole ya mfumu ya nsi. Mpe ata nsi mosi ve na ntoto nvimba me salaka kuponama ya tatu to ya iya. ‘Ya kele mitindu mingi ya kusala kuponama, kansi kuponama ke salamaka kaka mbala mosi to mbala zole .
Mireille, nsiku ya kuponama ke zabisa ti, muntu ya ke kuma mfumu kele yina ya me baka, na kuponama yantete, kikatikati ya matonsi ya bantu ya me kupona yika muntu mosi. Kana ata muntu mosi ve me baka matonsi yai, kuponama ya zole fwete kusalama.

Nsiku ya nsi mpe ke zabisa yau ntangu ya yau ke tuba ti : mfumu yansi ta kuponama kana bantu ya me pona yandi me luta kati kati yabantu nionso kuponaka. Kansi kana ata muntu mosi ve me baka matonsi yai, kuponama ya zole fwete salama.

Mpangi Nazaire, nki ke songa ntangnu yayi ti mfumu ya nsi takupona na mbala ya zole awa nansi na beto?
rnYa seleka, Mireille Bukasa, mfumu yansi batapona yandi na mbala ya zole, bonso ke zola luyalu yankangu to democratie. Kikuma yankaka yake songa ti mfumu yansi batapona yandi na mbala ya zole, ikele ti ya kele kaka bantu zole ya me baka matonsi mingi na kuponama yantete ya nkangu lunga kukabula na kuponama ya zole. Nsiku ya nsi me zabisa yau diaka: bantu ya lunga kukwenda na kuponama ya zole ya mfumu yansi kele bantu zole yina ya bakaka matonsi mingi na kuponama yantete.

rnMatondo na nge Nazaire Nkoko