- KINSHASA : Beto ta zibula bansangu yayi na nzietelo ya kisalu ya Papa ya Roma ta sala awa na nsi na beto katuka kilumbu ya zole ya ngonda ya nsambwadi ya mvula yayi.
- LUBUMBASHI : Na mbanza Lubumbashi, bisalu me telema na banzo ya masonga. Kikuma, kukangama ya nkundi na bau mosi na ndambu ya bisalu ya ANR.
- MBUJI-MAYI : Mpe na mbanza Mbuji-Mayi, nsangu kele mingi yayi ya luzayisu ya Enerka me tinda na yayi me tadila kubeba ya machini ya centrale hydroélectrique.
- ESU : Kele tuka kilumbu ya mazuzi, kitatu ya balongoki ya banzonkanda ya malongi ya zulu telemisaka nganzi na bau ya kubuya kulonga. Nionso yayi na nima ya mukanda mosi ya ngwakana ya tulamaka maboko ti luyalu.
- BUKAVU : Na Kivu ya nsi, kele mazuzi ya bambuta ya ke landilaka mambu ya malongi yantete kuna monisaka dinaka ya bau me bongisa samu na kupesa na bimvuka ya ke pesaka maboko na bisalu ya Epst.
- PRIX « FEMMES AVENIR » 2022 : Nsangu yankaka na suka yayi kele yayi ya mama Mathilde Mihigo, ya ke landilaka mambu ya banswa ya bantu na ndambu ya nzo ya Onu ya ke landilaka mambu yayi ya kuzitisa banswa ya bantu me katuka na kubaka mpete ya lukumu, mazono, na zina ya prix « Femmes Avenir » 2022.
/sites/default/files/2022-03/0403022-p-k-journalkikongomatin-00.mp3
