- KINSHASA : Na bansangu yayi, beto ta tubila ntete masolo yantete ya mbuta Jean Pierre La croix me vanda na yau ti bantwadisi ya mbula matadi.
- MBUJI-MAYI : Mpe na bizunga, beto losa ntete disu na mbanza Mbuji mayi wapi kuzengana ya mwinda me kanga bisika mingi ya bantu ke bakaka mwa kopo.
- KWILU : Na Territoire ya Bulungu na kizunga ya Kwilu, kimbeni na kati ya makanda zole me tinda ntumwa mosi ya nkangu na kulomba na mbula matadi na kubaka balukanu ya me fwana.
- SAMA LUKONDE : Masolo yankaka ya mbuta Jean-Pierre Lacroix me vanda na yau, mazono, kaka awa na bwala kimfumu, Kinshasa, kele ti mfumu ya luyalu, mbuta Sama Lukonde. Na kubasika nandi na masolo yayi ti mfumu ya luyalu, kilandi yayi ya kalaka ya Onu zabisaka ti yau tadilaka ngwakana ya nsi na beto ke vandaka na yau ti Onu.
- BUNIA : Mvita na kizunga ya Ituri, mingi bumvuanzi ya bimpumbulu ya Codeco me bebisa kutambula na nzila katuka Bunia-Mahagi mpe Paidha samu na kukwenda na Ouganda. Na kutuba ya binati matoma, bilumbu yayi kaka matoma tanu ya ke sadilaka nzila yina konso kilumbu, na sika ya makumi zole na tanu na ntwala mavuanga ya ke na kuluta bubu yayi na Territoire ya Djugu.
- LUBUMBASHI: Mbala yankaka na bilumbu ke kwisa, bisalu ya kusala nzila katuka mbanza Kolwezi na kizunga ya Lualaba ti na mbanza Solwezi na kizunga ya nsi ya Zambie na zina ya North Westen ta yantika.
- BUKAVU: Kivu ya nsi; Territoire ya Kalehe me katuka na kuzwa mabungu tatu ya mbote samu na kutelema ya ba maswa na dizanga ya Kivu. Kimvuka mosi ya nzo ya bisalu ya mfumu ya nsi kumaka kuna, mazono.
- COVID-19: Kimbefo ya Covid-19 na Kongo Kinshasa, kele mingi ntu ya dilongi ya lukutakanu ya salamaka, mazuzi awa na mbanza Kinshasa, na lutwadusu ya munganga Jean Jacques Muyembe ya ke landilaka mambu ya kimbefo yayi ya nsamukila awa na nsi na beto, na Université Simon Kimbangu.
/sites/default/files/2022-02/2402022-p-k-journalkikongomatin-00.mp3
