- MATADI : Kele bubu yayi, ya mfumu ya nsi, mbuta Felix Tshisekedi ta zibula kisalu ya kutunga dibungu ya nene ya Banana, na Territoire ya Muanda na kizunga ya Kongo Central, mingi na nzadi ya mungwa.
- KINSHASA: Bantu ya ke sadilaka ba Hallo Hallo ke na kubuya kitadi ya RAM. Samu na bau na nzila ya kalaka ya nzo ya masonga ya munkiti ya Gombe, kitadi yayi me zabanaka ve na bansiku ya nsi.
- KINSHASA: Mazono, nza ya mvimba banzilaka bimbefo ya baluyalu ya bansi ya ntoto na beto y’Afrika ke landilaka diaka ve. Kifwanusu, kimbefo ya mpongi.
- BUKAVU: Kaka na yayi me tadila bansangu ya mfumu ya nsi, Nana Pluriche Mambu, na ngonda me katuka na kuluta yandi ponama bambuta ya fwete kudiatisa mwa sanduku ya mbongo ya me tadila bisalu ya matadi ya ntalu samu na luzingu ya bana na beto ya ke kwisa, Fomin na nkufi. Na mutindu yayi, Radio na beno ya Ngemba, Radio Okapi katuka kilumbu ya bubu yayi me bongisa manaka samu na kuzaba ya kieleka nzo yayi ya mbuta matadi.
- MBANDAKA: Kele mazono ya mbuta Martin Fayulu sukisaka nzietelo nandi ya bilumbu tatu na mbanza Lisala, na kizunga ya Mongala. Nzietelo wapi ntwadisi yayi ya Lamuka solulaka ti nkangu, na nzila ya binzonzi ya yandi salaka. Na ndinga nandi, yandi zabisaka ti nsi ke na kutambula mbote ve, mpe na kutuba nandi, ntwadisi ya CENI fwete kukatuka.
/sites/default/files/2022-01/3101022-p-k-journalkikongomatin-00.mp3
