- LUBUMBASHI: Nsuka ya masolo samu na kusosa kuvutula ngwakana na kati ya makanda ya ntoto ya Katanga mpe ya Kasai salamaka diaka ve mazono, ya me kuma samu na mbasi, mposo.
- BUKAVU: Kaka na bansangu yayi, beto ta kwenda na Kivu ya nsi, wapi beto ta tubila kubulumuna ya ntoto na Kalehe.
- KINDU: Mpe beto ta landa ndongisila ya mbuta ya ke na kusala bilumbu yayi na sika ya mfumu ya kizunga ya Maniema, mingi na yayi me tadila mangwele ya kubaka samu na kuteta nsamukila ya kimbefo ya buka buka.
- BANGUI: Masolo ya ke na kuvukisa bapanzi nsangu ya ntoto na beto y’Afrika ya kati kati, mingi na yayi me tadila bandinga ya nkabwana ya ke na kutubamaka na bansinga ya ba Radio, bizizi ya ba Tv, to diaka nan zila ya internet ken a kulandakana na mbanza Bangui na nsi ya Centr’Afrique, tuka kizole ya mposo yayi.
- ONU : Mpe na ndambu nandi, ntumwa ya kalaka ya Onu na ndambu ya bansi ya kizunga ya mazanga ya nene ya ntoto na beto y’Afrika, mbuta Huang Xia, me lomba na bimvuka nionso ya bimpumbulu ya ke na kulanda kunata mavuanga na ndambu ya esete ya nsi na beto na kubika minduki.
/sites/default/files/2022-04/2904022-p-k-journalkikongomatin-00.mp3
