" Mudimu kayi mena wa ba tshipuitamunuamnfuanka ba mu mpolovensa bikilabu ne badi ne tshia kubasungula mushindu kayi ? "

” Mudimu kayi mena wa ba tshipuitamunuamnfuanka ba mu mpolovensa bikilabu ne badi ne tshia kubasungula mushindu kayi ? ”

Rjk : Elysée Tshikota, tshipuitamunuamfuanka wa mpolovensa muntu uudibu basungula bua kuikalaye mu tshimamuenda wa bukalenga mu tshia mu mpolovena. Tshibamabalu tshdi tshikontonona midimu mishilashilangana ya mu mpolovensa. Badi batangila midimu ya bukalenga bua mu mpolovensa, bakontonona midimu ya matanda a mbulamatadi. Ba tshipuitamunuamfuanka badi babasungula kudi bantu bonso musangu umua ne mu musokoko anyi babasungula bua bidimu bitanu bidibu mua kupingana kabidi. Bua tshipapu tshia masungula bua ba tshipuitamunuamfuanka mu mpolovensa bidi tshimenga,anyi territoire, bua mu tshimenga tshia Kinshasa commune..

Elysée : Richard Junior kamunga malu kayi adi akengela kukumbaja bua kusungulabu muntu bua yeya kuikala tshipuitamunuamfuanka mu mpolovensa”

Rjk :Elysée Tshikota, meyi a masungula malaja patoka ne bena bisumbu bia tshididi mbadi bafila mena a bantu babu badibu ne tshia kusungula ,bantu badikadila badi badifila nkayabu mpala yabu. Bua kuvuluija aba badi bafila mpala bu ba tshipuitamunuamfuanka mu mpolovensa badi ne tshia kukumbaja malu aa : kuikala muena ditunga dia congo, kuikala ne bidimu 25 dituku didi uya kufila mpala, kuikala ne manena a bu muntu ne a tshididi, kuikala ne kalata ka basungudi anyi ku kapeta dituku didi ufila mpala.
,rnElysée : bena tshimamuenda wa bukalenga tshia mu mpolovensa ne ba bateka mu nkuasa mushindu kayi

Rjk : bena tshimamuenda wa bukalenga ba mu mpolovenda badi babateka mu nkuasa matuku 15 kunyima kua dipatuka dia bipeta. Padibu babanga mudimu, ba mambala aba badi banji kuenza bilo bia lupitapita bikala bilombola kudi muntu mukola ku bonso ne mutua munyima kudi bana bakesa babidi, bilo ebi ne bikala bilombola kudi président ne tshindondi tshienda ne mufidi wa milubu ne tshindondi tshienda.ne muedi wa makonka.
Bobu bashikuluja bukalenga bua bakuabu ne kuenza bilo bia kashidi, badi ne tshia kuenza meyi ne mikandu , bantu badibu ne tshia kusungula bua kulombola tshimamuenda wa bukanega etshi badi ne tshia kunemeka bungi bua bantu balume ne bantu bakaji..

Elysée :Bua kujikija Richrd Junior kamunga makokeshi kayi adi nawu bena tshimamuenda wa bukalenga mu mpolovensa

Rjk : Tshimemuenda wa bukalenga , ntshimua tshia ku bibambalu bidi bitangila malu mu mpolovensa, bilondeshila meyi makulu a ditunga dia congo wa mungalata` bena Assemblée provinciale badi batangila midimu ya bukalenga bua mu mpolovensa ne ya mbulamatadi ne ya mpetu ne bisalu bionso bia mblamatadi, malu a tulasa tubandila ne tupuekela ne tua midimu ya bianza, malu a bukola bua mubidi, diendakana, malu a mpangu ne a njila ne mushinga ku mikalu ya ditunga, malu a bitadi, matanda, bubanji bua muinshi mua buloba. Badi kabidi ne tshia kutangila malu a madimi ne meetu, disungula dia batshipuitamunuamfuanka ba mu mpolovensa edi ne dienzeka mu dia matuku 29 ngondo wa kasuamansensa ewu dituku dimua ne bua tshipungu tshibidi bua ba mfumu ba ditunga

Texte de SAMUEL KATSHAKrnOndes courtes 3è HeuresrnTél. : 00243998909787rnExt. : 6961rnE-mail : [email protected] [email protected] mu tshiluba kudi rnRichard Junior KAMUNGArnJournaliste Radio OkapirnTel : 00243/[email protected]