" Mushindu kayi wikala madisuisha a masungula bua tshipungu tshibidi bua mfumu wa ditunga ne a ba tshipuita munua nfuanka mu province ne bua kuenzeka ? "

” Mushindu kayi wikala madisuisha a masungula bua tshipungu tshibidi bua mfumu wa ditunga ne a ba tshipuita munua nfuanka mu province ne bua kuenzeka ? ”

* Elysee Tshikota, bua kuvuluija, madisuisha a masungula adi tshikondo tshidi tshilinda masungula. Tshikondo tshidi bisumbu bia tshididi ne aba badi bafila mpala yabo ku masungula benza madisuisha abo. Tuamba ne badi benza monso bua kupeta meyi a bungi a bantu badi ne bua kubasungula. Tshitudi mua kumanya tshia ne kudi dishilangana pankatshi pa madisuisha a masungula, madisuisha adi matuadija bilondeshile tshikondo tshifunda ne madisuisha a masungula a nanku- nanku. Madisuisha adi atuadija pa tshikondo tshifunda, tshidi tshikondo tshidi aba badi bafila mpala yabo ku masungula bapita ku bisanji, bumudi bisanji bia difuatula meyi, bia difuatula bidndindimbi ne bikandankanda, bionso ebi bilombola kudi mukenji wa masungula. Bonso buabu badi ne bua kuikala ne tshikondo tshia momumue tshia kuakula. Mu ditunga dia , Haute autorité des médias ke udi ne bukokeshi bua kutabelela dinemeka dia mikenji. Bua masungula a batshipuita munua nfuanka mu province, CEI udi muteka matuku 30 bua tshikondo tshia madisuissha a masungula bua province. Tshikondo tshidi tshituadija mu matuku 28 ngondo wa 9 munda kulu too ne matuku 27 ngondo wa 10 tshidimu etshi munda-nkulu. Bionso ebi bilondeshile kanungu ka 28 ka meyi ne mikandu 06 / 006 ka mu matuku 09 ngondo muisatu 2006, kadi kalongolola masungula a mfumu wa ditunga, a ba tshipuita munua nfuanka ba mu ditunga , ba mu province, ba gouvene ba province, balombodi ba ma commune munda mua ditunga dia congo dijima. Kasumbu kadikadile ka masungula kadi kateka matuku 29 ngondo wa 10, dienza dia masungula a tshipungu tshibidi bua balombodi ba ditunga, masungula adi ne bua kuenzeka diatshimue ne a ba tshipuita munua nfuanka ba mu province. Madisuisha a masungula bua balombodi ba ditunga adi ne bua kuenza matuku 15, tuamba ne kumbukila ku matuku 13 ngondo wa 10 pa diba dia munda-nkulu too ne matuku 27 ngondo wa 10 tshidimu etshi munda –nkulu. rnMadisuisha a masungula a nanku-nanku, adi tshikondo tshidi bisumbu bia tshididi ne aba badi bafila mpala yabo ku masungula ne bua kudileja ku bantu ne kuleja ngenyi yabo ne malu adibo bajinga kuenzela bantu. Tshikondo etshi katshiena tshilombola kudi mukenji wa masungula too. Ku lukuabo luseka, bumuntu bua muntu ku bipendu bionso nansha difuna-funa budi ne bua kunemekibua. Bisumbu bia tshididi ne aba badi bafila mpala yabo ku masungula badi ne bua kunemeka code de conduite uvua batua tshiala bua malu a masungula.

” Richard junior Kamunga, nganyi udi ne bua kuenza madisuisha a masungula ne adi ne bua kuenzeka mushindu kayi ? ”

* Elysee Tshikota, mukenji wa masungula udi ufila kudi muntu yonso ne kudi bisumbu bia tshididi bua kuenza madisuisha mu tshikondo tshifunda. Kanungu ka 29 ka mukenji wa masungula kadi kajadika ne bisangilu bia malu a masungula bidi ne bua kuenzeka bilondeshile mapangadika mangata. Bidi bilongolola kudi bisumbu bia tshididi ne kudi aba badi bafila mpala yabo bu badikadile. rnBisangilu anyi madisuisha a masungula adi enzeka munda mua ditunga dijima kakuyi tshipumbishi nansha tshimue too, anu aba badi balongolola tshisangilu ke badi ne bua mukandila mulombodi udi mukumbana kumpala kua diba bua yeye kuangata dipangadika. Aba badi balongolola bibilu bia masungula badi ne bua kuenza monso bua bibilu ebi bienzeka biakana. Mu bidi bitangila diteka dia bupole ne dinemeka dia mukenji wa masungula. Mu tshikondo etshi, diteka dia bifuanyi, bidindimbi ne bikuabu bua madisuisha a masungula bidi bianyishibua kudi kasumbu kadikadile ka masungula. Diteka dia bifuanyi ku bibambalu bia mbulamatadi didi dikandikibua.

Texte de SAMUEL KATSHAKrnOndes courtesrnTél. : 00243998909787rnExt. : 6961rnE-mail : [email protected] [email protected] tshiluba kudi Elysee Tshikota.
Journaliste Radio Okapi Kinshasa.