Fichier audio : téléchargez Flash pour écouter.
” Makuta avua bantu badi bafila mpala bapesha bena Cei bua masungula ne benza nawu tshinganyi ? ”
Rjk : Elysée Tshikota, tuasakidila bua lukonku lueba, manya ne tshimua tshia ku bintu bidi mua kuenza ne masungula ikala madikadila, malelela ne adi bantu bonso badifila, bikengela ne kuikala bantu ba bungi badi bafila mpala bua ba basungula, mikenji idibu bafila idi muakuenzeja bungi bua bantu badi mua kufila mpala. mu tshi bungi mikenji eyi miteketa, padiku bantu ba bungi. Bikengela kudiela lukonku lua ne kudi bantu bungi munyi batuapeta ku masungula, bobu bakesa bidi bipepejila basungudi mudimu, bantu bobu ba bungi basungudi badi bapeta lutatu. mu ditunga dia congo, Cei udi ulomba dijadika dia difila dia makuta kudi muntu yonso udi mufila mpala, bilondeshila mayi adi nomba 06/006 a mu dia mtuku 09.03.2006 adi alongolola masungula a ba mfumu ba ditunga , batshipuitamunuamfuanka mu bitupa bionso, mbaleja ne makuta aa adi muntu ufila kabena mua ku mupingajilawu nansha badi ba ela mu difueta dia mbulamatadi.
Elysée : Richard Junior, tudi mua kumanya bungi bua makuta adi muntu yonso idi mufila mpala ne tshia kufila bua mu bitupa bishilashilangna bia masungula mu ditunga dia congo wa mungalata ?
Rjk: Elysée, Meyi a masungula matokesha muanda ewu , makuta adibu bafila mashila bilondeshila bitupa bia masungula, tshilejilu, bua masungula a ba mfumu ba ditunga mbafila million 22 ya mfualanga ya muena congo, ba tshipuitamunuamfuanka ba ditunga ne bakulumpa ba mabala mbafila binunu 110 bia mfualanga ya muena congo, ba tshipuitamunuamfuanka ba mu mpolovensa mbafila mfualanga ya muena congo binunu 55, bua ba nguvena ne ba nguvena tshindondi mbuafila mfualanga ya muena congo binunu 660, bua balombodi ba tshimenga ne tshindondi tshienda mbafila mfualanga ya muena congo binunu 110, ba bougmestre ne tshindondi tshiena mbafila mfualanga ya muena congo binunu 88 kadi bafidi ba ngenyi ba mu tshimenga mbafila bobu mfualanga ya muena congo binunu 25 , ku luseka lua bafidi ba ngenyi ba ku commune mbafila mfualanga ya muena congo binunu 22 ne ba mu secteur mbafila binunu 10.
” Elysée : Richard Junior Kamunga bua kujikija, makuta aa ne ambuluisha ku tshinganyi ? ”
* Rjk: Elysée Tshikota, bilondeshila mulombodi wa Cei, Abbé Appolinaire MaluMalu, makuta aa ne baalama kudi tshibambalu tshia ministele wa muanda ya mpetu kadi ministele wa dibumba dia mpetu anyi budget ke wikala utula makuta aa.
Texte de SAMUEL KATSHAKrnOndes CourtesrnTél. : 00243998909787rnExt. : 6961rnE-mail : [email protected] [email protected]
Bikudimuna mu tshiluba kudirnRichard Junior KAMUNGArnJournaliste Radio OkapirnTel : 00243/[email protected]
