Fichier audio : téléchargez Flash pour écouter.
” Inki ba ke bokila CIRCONSCRIPTION ELECTORALE to kitini ya toto ya insi me bongisama sambu na kupona, mpe inda na yau ikele inki mutindu ?”
* Circonscription électorale to kitini ya nto ntonto me bongisama sambu na kusola to kupona,kele mutindu ya kukabisa ntoto ya insi na mpila nde konso muntu me lungisa mambu ma fwana sambu na kuponama yau kusalama.
Yau ikele kitini ya ntoto wapi sika ta salama lutangu ya ba mvutu ya kupona. Circonscription électorale to kitini ya ntoto me bongisama sambu na kusola ikele mpe kisika ba ke tanga ntalu to ba ke kabisa ba kiti ya kimfumu, kulandana na bisalu ya kusola. rnCirconscription électorale to kitini ya ntoto me bongisama sambu na kupona sambu na ba députés ya bizunga ikele ‘’MBANZA TO Territoire’’ Awa na mbanza Kinshasa kitini ya ntonto me bongisama sambu na bisalu ya kusola ba député ikele ba ‘’commune”.
Ntalu ya ba kiti ya kimfumu ina fwana bongisama kulandana na konso assemblée provinciale yau ikele :rn* Ba députés makumi iya na nana sambu na bizunga ina ikele na bantu kuluta millions mosi, mafunda makumi tanu bayina sonikaka mazina na bau sambu na kusola.
* Ba députés makumi iya na zole,sambu na kizunga ikele, na bantu millions tanu na mafunda nkama tanu ya bantu sonikaka mazina na bau sambu na kusola.
* Ba députés ya bizunga ina kele na batu million mosi mafunda kama tanu mpe million zole ya bantu sonikaka maziana na bau sambu na kusola.
* Ba députés ya bizunga makumi tatu sambu na bizunga kele na million mosi mpe million na mafunda kama tanu ya bantu me sonikaka mazina sambu na kusola.
* Ba député makumi zole na iya sambu na kizunga kele na bantu kubanda mafunda makumi makumi tanu mpe million mosi ya bayina me manisa kusonika mazina na bau sambu na kupona;rnBa depute kumi na nana ya bizunga ina kele na bantu mafunda kama tanu to na nsi ta ntalu yai,bayina me sonikaka mazina sambu na kusola..
Bika beto zabisa nde lukaya ya ya ba kumbu to ba liste ya ba bizunga fuana pesama na parti politique to kimvuka ya ba parti politique .Bantu ina kele na bimvuka ya politique ve to ba candidat independant, bau ke monisama bau mosi.
Muntu nionso kele zola kupesa zina sambu ba pona yandi kuvanda député na kizunga, yandi fwana vuanda mwana ya insi RDC, yandi fwana vuanda na ba mvula ya kubutuka makumi zole na tanu to na zulu na tangu yandi ke pesa candidature na yandi, yandi fwana vuanda na ba inswa na yandi nionso na mambu me tala politique mpe kutangama na kati ya bantu me sonama sambu na kusola to mpe yandi sala enrolement to kusonika zina na yandi kati ya bantu fwana kusola mpe kubaka cartena yandi na tangu yandi ke bika candidature na yandi .
* Za bisa beto, kuponama ya ba ntwadisi ya bizunga to ba gouverneurs mpe bilandi na bau ta vuanda inki mutindu ?
*Ba ntwadisi ya bizunga mpe bilandi na bau ke ponama sambu na ba mvula tanu ya kisalu. ba lenda bwedila bau diaka mvula tanu ya kaka kana bau me ponama mbala ya zole, na kati to na nganda ya assemblée provinciale. Bau ke tulama na kisalu na mukanda me tulama maboko na mfumu ya insi , ba ke ponama kaka na liste mosi ya kimvuka na mbala zole.
Kupona ya ba gouverneurs mpe bilandi na bau,ke salama na nima ya bilumbu makumi zole na mosina nima ya kutulama na kisalu ya assemblée provinciale.
* Za bisa beto ,Diambu me tala kitini ya ntoto ya insi sambu na kusola to kuponaba conseillers urbains ikele inki ?
*Kisika to kitini ya ntoto me bongisama sambu na kupona ba conseillers urbains kele commune. Commune nionso ke monisama na ba conseillers iya . Ba conseiller urbains ke ponama na ba conseiller ya ba communes, na ba lukaya to ba liste ya polele mbala mosi to ina ba ke bokila liste Ouvert, mutindu ba ke tubaka na Françai, na kulandaka nsiku ke zabisa ti ina ke baka ba ndinga mingi yandi nde ke nunga.Na yau, ba ke ponama sambu na ba mvula tanu, bau lenda ponama diaka mbala mosi kansi kuluta ve.
Kana bau me ponama ba conseiller urbains bau ta pona ntwadisi ya mbanza to maire ya ville na bilandi ya yandi kuponama na bau mpe kele sambu na ba mvula tanu.Beto bikala kaka na diambu yai sambu na kuzabisa beno ti,kitini ya ntoto me bongisama sambu na kuponama ya ba conseiller ya commune ikele ba commune. Ba conseiller yai ba ke pona bau rnKaka na polele na kusola muntu ba me zola kana yandi kele na ba ndinga mingi yandi, nde ke nunga. Liste na bau ta katuka na parti politique to na bimvuka ya politique. Bayina kele na bimvuka politique ve, to ba indépendant bau ke monana bau rnmosi, ba conseiller ya commune bau ta pona ba bourgmestre mpe bilandi na bau.
Bika beto zabisa ti, bantu nionso ta baka kimfumu yandika na ba député na kati ya bizunga mpe bourgmestre bau fwana pesa na bureau ya CEI mukanda ya CEI ke bokila déclaration mpe ina ya kundima mabu nionso kele na kati mutindu ke zodila yau CEI. Mukanda ina ta vuanda na signature ya muntu ina ke pesa zina sambu ba pona yandi. Yandi fwana piya kupesa mpe fiche d’identité bwela curriculum vitae ke tadisa nani yandi kele,ba photos passeport iya, kidimbu ya kimvuka ya parti politique to ya kimvuka ya bimvuka ya politique, bwela piya cartes ya muponi, mukanda ya kubutuka to attestation de naissance,na mukanda ke monisa ti yandi me manisa kufuta mbongo na yandi na sanduku ya mbula matadi na kuzaba ti yandi nunga to ve na kuponama bau ta vutula yandi mbongo ina ve.Na nionso yandi fwana kubwela mukanda me katuka na kimvuka na yandi ya politique ke monisa ti,kimvuka ina me ndima yandi kupesa zina sambu ba sola yandi.
rnSAMUEL KATSHAKrnOndes CourtesrnTél. : 0998909787rnTraduction de rnMicheline TshwalarnJournaliste Radio OkapirnTel :0998186793
