Fichier audio : téléchargez Flash pour écouter.
” Inki ba ke bokila luyalu ya kizunga to gouvernement provincial, mpe zabisa beto mfunu na yau ikele inki ? ”
* luyalu ya kizunga to gouvernement provincial kele kimfunmu ya kele kutwadisa bisalu na nakati ya kizunga . Kulandana na ndonga kama mosi makumi ivua na nana,ya nsiku ke twadisa insi na beto République Démocratique du Congo,luyalu ya kizunga ke twadisama na bantu yai : mfumu ya kizunga , kilandai na yandi,mpe ba ministre ya bizunga. Gouverneur na kilandi na yandi ba ke pona bau sambu bau kusala kisalu na ba mvula tanu, bau lenda pona bau diaka mbala mosi sambu bau kusala diaka ba mvula tanu,ba ke pona bau na ba ministre ya kele na kizunga na kati to na nganda ya Assemblée provinciale. Bau ke banda bisalu na inswa ya mfumu ya insi.
” Kansi mama Micheline zabisa beto nani ke pona ba ministre ya luyalu ya kizunga to ministres provinciaux ?”
* Ba ministre ya kizunga to ba ministres provinciaux bau ke ponama na mfumu ya luyalu ya kizunga to gouverneur de province na kati to na nganda ya assemblée provinciale. Talu na bau lenda luta kumi ve.
Bika beto zabisa nde ntalu ya bantu ta vuanda na kati ya luylu ya kizunga to na gouvernement provincial bau fuana meka yau na kuvanda ya kukukana na mutindu kele kizunga ina .
Na ntwala ya kuyandika kisalu, mfumu ya luyalu ya kizunga to gouverneur fuana monisa ntete manaka na yandi ya kisalu.Kana binama nionso ya Assemblée provinciale me ndima, vana ba ministre provinciaux lenda banda kisalu na bau. Bika beto zabisa diaka mpangi Augustin nde , binama ya gouvernement provincial to luyalu ya kizunga , bau lenda katula bau nionso na kisalu to muntu mosi kati na bau,kana na Assemblée provinciale bau me pona mpe me ndima diambu ina.
” Inki lenda kuma kana gouverneur ya kizunga me kufua to yandi me fundama, to yandi lenda diaka kusala kisalu na yandi ve ? ”
* Ndonga kama mosi makumi sambanu,ya nsiku 06/006 ya salamaka na bilumbu ivua ya ngonda tatu mvula mafunda zolena sambanu me tala kubongisa kupona ya mfumu ya insi,ba ntumwa ya nkangu,ba ntwadisi ya kangu ti na ba localitéke tuba nde kana lufwa mwa kwisa monana to kukatuka na kisalu na luzolo ina ba ke bikila démission,to mpe kana gouverneur lenda diaka ve kusala kisalu na yandi, vana luyalu na yandi ya mvimba fuana bika kisalu to mutindu ba ke tubaka na français gouvernement ina kele démissionnaire.
Kansi bau ta bikala ntete na lutwadisu ya kilandi ya gouveurneur ya kizunga sambu na mwa tangu fioti.
Na nima ya bilumbu kumi na tanu, commission électorale indépendante ke bongisa kupona ya gouvernement provincial to luyalu ya kizunga ya impa.
Bika beto zabisa sambu na kusukisa mpangi Augustin nde,kuponama ya ntwadisi ya kizunga mpe kilandi na yandi fuana salama na nima ya bilumbu makumi zole na mosi ya luyandiku ya bisalu ya assemblée provinciale.
Texte de SAMUEL KATSHAKrnOndes CourtesrnTél. : 00243998909787rnE-mail : [email protected] [email protected] Micheline TshwalarnMobile:00243998186793rnJournaliste Radio Okapi rnKin/RDC
