- GOMA: Na bansangu yayi, beto ta tubila ntete kunuana ya ngolo ya ke na kuluta na kati ya makesa ya nsi mpe bimpumbulu ya M23 na ndambu ya Tshanzu na Kivu ya zulu.
- BUKAVU: Na Kivu ya nsi, nsangu kele ya tiya ya me bebisa bima mingi na Shabunda.
- KINSHASA: Bubu yayi na mpimpa, ba Leopards ya nsi na beto ta tesana ngolo ti ba Lions ya Atlas ya Maroc samu na kunuanina sika na nsaka ya ngweso ya nza ya ta bulama na nsi ya Quatar.
- KISANGANI: Mpe mazono, na kizunga ya Tshopo, bandimi ya dibundu ya Catholica tambulaka na babala bala ya mbanza Kisangani, samu na kumonisa kintwadi na bau ti bampangi ya ke zinga na kizunga ya Ituri, mpe na bandambu nionso ya nsi na beto, wapi bamambu ya mbi ke na kusalama.
- MBUJI-MAYI: Beto kwenda ntangu yayi na kizunga ya Kasaï-Oriental, sika ya Regideso ke bendaka masa na Lukelenge na mbanza Mbuji Mayi me kuma kigonsa ya ngolo, na mutindu ya bantu ke na kutimuna diamant kuna ti machini.
- MATADI VOX POP : Mutindu ya beno ke zaba yau, bubu yayi, ba Leopards ya nsi na beto ta kutana na ntangu ya nana na minutes makumi tatu ya mpimpa ya bubu yayi ti ba Lions ya Atlas ya Maroc samu na kuosa mpila ya kukwenda kunuanina nkento ya nsaka ya mutopi ya ta bulama na nsi ya Quatar.
/sites/default/files/2022-03/2903022-p-k-journalkikongomatin-00_.mp3
