- KINSHASA : Kongo Kinshasa, nsi na beto kele ti petrole, mazout mpe essence ; kutita kele ve.
- BANDUNDU : Na kizunga ya Kwilu, banzadi mingi ke na kubeba. Kikuma, bantu mingi ya ke zinga na babukula na yau ke na kulosa mvindu na bau nionso na kati.
- GOMA : Kaka na bansangu yayi, beno ta landa ntendula ya kinati ndinga ya mfumu ya kizunga ya Kivu ya zulu, mingi na yayi me tadila mbongo ya kufuta samu na kusala Examen d’Etat.
- KINDU : Na kizunga ya Maniema, ya me lunga bubu yayi kiteso ya bilumbu tatu, tuka ya bambuta ya Fec na Lubutu me lomba na bisadi na bau na kubuya kisalu, bilumbu tanu ya mvimba.
- KINSHASA : Samu na mvita ya ke na kulandakana na ndambu ya Esete ya nsi na beto, ya kele ntumwa ya nkangu Jean-Baptiste Muhindo Kasekwa ya me lomba na mbuta ya luyalu ya ke talaka mambu ya makesa mpe kutanina nsi ya kukwenda kutendula bantumwa ya nkangu na nionso yayi ya ke na kuluta kuna na ndambu ya Esete ya nsi na beto.
- BUKAVU : Beto kwenda ntangu yayi na Kivu ya nsi, wapi bimvuka ya ke nuaninaka mambote mpe banswa ya bana me katuka na kuzwa bimvuka yankaka ya lenda kupesa bau maboko ; ya vanda na nzila ya mbongo.
- UVIRA : Kupesa baleke mwa bisalu na mbanza ya Uvira na Kivu ya nsi, kele bangolo ya kimvuka na zina ya Popoli Frateli, ya monisaka, mazono baleke nkama mosi na makumi tatu ; bana bankento, babakala ya landaka malongi ya kutunga bilele, mvula mosi ya mvimba.
- KISANGANI : Na kizunga ya Tshopo samu na kumanisa, Irene Mboma, nge ya solulaka ti nkundi na beto Jacques Mukonkole, mbuta ya ke na kusala bilumbu yayi na sika ya mfumu ya mfumu ya kizunga me pesaka nswa mosi ve samu na bantu kuvutuka kufuta mbongo na ntangu ya ba ke lutaka na nzila ya nkama iya na kumi.
/sites/default/files/2022-03/1703022-p-k-journalkikongomatin-00.mp3
