- KINSHASA: Na bansangu yayi, beto ta tubila ntete kuzibuka, mazono, awa na mbanza Kinshasa, na Palais du Peuple ya makutakanu ya bantumwa ya nkangu mpe ya bambuta ya Senat.
- LUBUMBASHI: Na mbanza Lubumbashi, nsangu kele ya kupanza, kubwisa banzo nionso ya me tungamaka na nsi ya bansinga ya Snel.
- BUTEMBO: Bantu mingi ya me kangamaka na buloko ya mbanza Butembo me monaka ntete ve zuzi samu na kusamba. Diambu ya me pesa mpasi mingi kimvuka mosi ya nkangu.
- SENAT : Mpe na ndambu ya Senat, mbuta Modeste Bahati Lukwebo, ntwadisi na yau, sepelaka mingi na mutindu ya luyalu ya nsi me pesaka na nzo ya mbula matadi ya ke talaka mutindu ya ba ke sadilaka mbongo ya mbula matadi malwaku samu na kusadisa yau na nzila yayi.
- KWILU : Kizunga ya Kwilu me katuka na kuzwa kiteso ya mafunda nkama zole na makumi nana na nkama nana ya mangwele samu na kutita nsamukila ya kimbefo ya Coronavirus.
/sites/default/files/2022-03/1603022-p-k-journalkikongomatin-00.mp3
