- KINSHASA: Kele mbasi, kizole ya bantumwa ya nkangu ta vutukila bisalu na bau na Palais du Peuple, awa na bwala kimfumu, Kinshasa.
- MBANDAKA: Kaka na bansangu yayi, beto ta tubila kukuma na mbanza Mbandaka ya mfumu ya luyalu sambu na kuzimbama ya lukutakanu ya bamfumu ya bizunga.
- KINDU: Na mbanza Kindu, nsangu ya mpasi ya nzo ya buloko na yau ya nene; mabulu nionso ya tufi me fuluka, mpe ke kota ti na bisika ya bantu ya buloko ke lalaka.
- BUNIA: Na kizunga ya Ituri, bamfumu ya makanda ya ba Lendu mpe ya ba Hema me lomba na luyalu ya nsi na kusadila na nswalu nionso dinaka ya me tadila kubaka minduki ya kele na bimvuka ya bimpumbulu mpe na kuvutula bimpumbulu yina na luzingu ya nkangu.
- MATADI: Mpe na mbanza Matadi, bwala kimfumu ya kizunga ya Kongo Central, na nsangu ya beto kele na yau, kaka na sabala mosi bantu sambanu me baka lufwa na buloko ya nene kuna na mbanza Matadi, kaka samu na luzingu ya mpasi.
- KONGOLO : Beto kwenda ntangu yayi na kizunga ya Tanganyika, wapi ntalu ya masangu me mata mingi na Territoire ya Kongolo.
- LUBUMBASHI: Na dibaku ya kilumbu ya nza banzilaka mambote ya bamama ke na kusalaka na luzingu na beto bantu, na kizunga ya Katanga ya zulu, mingi nzo na yau ya ke talaka luzingu ya mabuta mpe bana vukisaka bimvuka mingi ya bamama ya mbanza Lubumbashi, samu na kulomba na bau na kupesa mpe maboko na bangolo ya ke na kusalama samu na mutindu ya bansungi ke na kusoba na nza.
/sites/default/files/2022-03/1403022-p-k-journalkikongomatin-00.mp3
