- KINSHASA : Nsangu ya nene na suka yayi kele nsuka ya lukutakanu ya vukisaka awa na mbanza Kinshasa bamfumu mingi ya bansi mpe bambuta ya baluyalu ya bans ya tulaka maboko na mukanda ya ngwakana ya Addis-Abeba.
- BUNIA : Na Ituri, kiteso ya mafunda sambanu ya bantu me kota na Fonds Social ya République samu na bisalu ya kubongisa babala bala na mbanza Bunia mpe na bandambu yankaka ya kizunga yayi.
- LUBUMBASHI : Bisalu ya Compagnie TFM me bebisa mfinda mpe masa na Fungurume na kizunga ya Lwalaba. Mpe bantu mingi me baka bimbefo.
- BENI : Mpe na Kivu ya zulu, kiadi, kaka diaka bimpumbulu ya ba Adf kotilaka kaka bwala Luna na mpimpa ya mazuzi. Bantu mingi me tina kuna samu na kukwenda na ndambu ya Eringeti, to diaka na ndambu ya Oicha.
- GOMA: Kele na suka ya mazono na mbanza Goma ya kimvuka na zina ya Hope-Walks to Espoir de marcher, kintwadi ti Heal-Afrika vutulaka na mabuta na bau bana nkama nana na makumi sambanu na iya.
- KINDU: Na kizunga ya Maniema, difunda mosi na mafunda nkama sambanu na makumi tatu na iya na nkama mosi na makumi zole na nsambwadi kele ntalu ya mabuta ya kele na mpasi ya ngolo samu na kuzwa kima ya kudia.
- FONDS SOCIAL : Beto vutuka diaka fioti na kizunga ya Ituri, wapi kiteso ya mafunda sambanu ya bantu me kota na Fonds Social ya République samu na bisalu ya kubongisa babala bala na mbanza Bunia mpe na bandambu yankaka ya kizunga yayi.
- GEORGES BOKONDU : Beto manisa na nsangu yayi ya Usine ya ke salaka mpemba ya langi ya Compagnie TFM, ya kele na kati ya kimvuka China Molybdenum, bisalu na yau ke na kubebisa mfinda mpe masa, mpe mavimpi ya bantu ya ke zingaka na bwala Kabombwa na Fungurume na kizunga ya Lualaba.
/sites/default/files/2022-02/2502022-p-k-journalkikongomatin-00.mp3
