- KINSHASA : Na bansangu yayi, beto ta tubila nkanu ya nzo ya nene ya masonga ya nza ya me lomba na nsi ya Ouganda na kufuta nsi na beto bamillion nkama tatu na makumi zole na tanu na kutala bamambu ya mbi ya yau salaka na ntangu ya mvita ya mbanza Kisangani.
- BUNIA : Mpe na kizunga ya Ituri, ya kele makesa ya nsi ya me kitosa nan toto ntwadisi mosi ya bimpumbulu ya FPIC.
- KINSHASA : Na nsangu ya mavimpi, kimbefo ya kintuntu ke na kukwamina na Territoire ya Miabi na Kasai Oriental, wapi bambefo nana menga na bau me kuma na Kinshasa samu na kutesa yau.
- KINSHASA : Mpe na yayi me tadila kusamba ya bantu me fundamaka na lufwa ya mbuta Floribert Chebeya mpe nkundi nandi, Fidèle Bazana, muntu yankaka siamisaka kaka mambu ya bantu ya ntwala tubaka na ntwala ya bazuzi ya nzo ya nene ya masonga ya makesa ya ke na kusambisa bau na buloko ya Ndolo.
- BENI : Mpe na ndambu ya nzo ya masonga ya makesa ya Beni-Butembo, me vandisa ntete fioti kusamba na kati ya ntwadisi ya nzo ya masonga ya makesa, mpe bantu tatu ya ba ke na kufunda na kupesa maboko na bimpumbulu ya ba Adf.
- GOMA : Beto bikala kaka kuna na kizunga ya Kivu ya zulu, kaka mpe na yayi me tadila bisalu ya masonga samu na kuzabisa ti lusambusu mosi zibukaka, mazono na mbanza Goma. Na ntwala ya bazuzi, ntumwa ya nkangu Josué Mufula, ya ponamaka kuna na bwala kimfumu ya Kivu ya zulu.
- MBUJI-MAYI : Na kizunga ya Kasai Oriental, beto zabisaka yau, kimbefo ya kintutu me basika diaka. Na kati ya bambefo makumi zole na nsambwadi, nsambwadi me baka kintuntu yina, na Territoire ya Miabi.
/sites/default/files/2022-02/1002022-p-k-journalkikongomatin-00.mp3
