- KINSHASA : Ngatu kele diaka ve na kukangama ya mbuta Francois Beya ; bidimu ya kusosa kubwisa luyalu ya nsi kele mingi na kati ya mambu ya ba ke na kufunda yandi, me zabisa kinati ndinga ya mfumu ya nsi.
- KINSHASA : Fine Alerte, kele nsadilu ya mpa ya mbuta ya luyalu ya ke talaka mambu ya mbongo me bongisa samu na kukotisa mbongo mingi na sanduku y ambula matadi.
- BUNIA : Mpe na kizunga ya Ituri, balongoki difunda mosi ke na kutanga diaka ve na kutala mavuanga ya bimvuka ya bimpumbulu.
- GOMA : Na bizunga, beto kwenda ntete na Kivu ya zulu, wapi mfumu ya kizunga ya kele dikesa me katuka na kubaka lukanu ya kubuya na kupesa mwa malwaku na bambuta ya luyalu ya vandaka na maboko ya mbuta Carly Nzanzu Kasivita, ya ke na kusala diaka ve. Nsangu ya vandaka ke tambula kaka na internet; kansi ya kinati ndinga nandi me kwisa na kundima yau. Mwa malwaku yayi me bikala kaka na yandi mosi mbuta Carly Kasivita.
- GOMA: Beto bikala kaka kuna na mbanza Goma, wapi bisalu ya lukengolo kangaka, mazono, ntumwa ya nkangu Josué Mufula, ya vandaka ke yilama samu na kuvutuka awa na mbanza Kinshasa na Avion. Kukangama nandi yayi me salama na nima ya ntumwa yankaka ya nkangu ya kizunga ya me kangamaka na buloko ya ANR katuka kilumbu ya lumingu. Kansi, kikuma ya kukangama na bau yayi me zabana ntete ve.
- BUKAVU: Beto zengisa ndilu ya Kivu ya nsi; kuna, nsangu kele ya kiese, nzo ya nene ya masonga ya nsi me katuka na kuvutula mfumu ya kizunga na kiti nandi ; ya vanda luyalu nandi nionso. Lukanu ya bakamaka, mazono awa na bwala kimfumu, Kinshasa. Lukanu ya me bakama na nima ya mukanda ya mbuta Theo Ngwabidje Kasi sonikilaka bazuzi ya nzo yayi ya masonga, samu na kuzabisa mutindu ya nzo ya kinzonzi na bau ya kizunga katulaka yandi na kilumbu ya zole ya ngonda ya kumi na zole ya mvula me luta.
- KINDU: Na kizunga ya Maniema, kiadi mvula ya ngolo ya nokaka na kilumbu ya sabala me luta na Territoire ya Kailo me bebisa Centrale ya Ambwe. Kaka na nzadi yina, kiamvu ya ke vandaka kuna me bukana. Na kulanda ntumwa ya nkangu ya me pesa nsangu yayi me lomba na mbula matadi na kusala nswalu. Kele Central yina ya Ambwe ya vandaka ke pesa mwinda na mbanza Kindu, samu na kupesa maboko na Rutchuru-Kuru.
- MATADI : Beto manisa na kizunga ya Kongo Central, wapi nzila katuka Vunda - Kinkenge ya ke vukisaka Territoire ya Sekebanza ti yina ya Luozi meba mingi. Bubu yayi kaka batuku tuku ya kele na mpila ya kuluta kuna.
/sites/default/files/2022-02/0902022-p-k-journalkikongomatin-00.mp3
