KINSHASA : Na bansangu yayi, beto ta tubila kusamba ya mbuta Francois Beya, nganga mayele na nzo ya bisalu ya mfumu ya nsi, na kulanda bansangu ya me katuka na mbuta Georges Kapiamba, ntwadisi ya Acaj.
BUNIA : Na kizunga ya Ituri, nsangu kele ya kudinda ya maswa mosi wapi bantu makumi zole ya tinaka bwala na bau samu na mvita ya zolaka kutina na nzila ya dizanga ya Kivu.
GEORGES KAPIAMBA : Ya kieleka, mbuta Georges Kapiamba me ndima ti mbuta Francois Beya kangamaka tuka kilumbu ya sabala me luta, mpe ke na kusamba na nzo ya bisalu ya Anr awa na mbanza Kinshasa. Ntwadisi yayi ya Acaj kwendaka kutala yandi mazono na nkokila ya ngolo kuna na ANR.
KINSHASA : Kubuya ti minduki kubula nan toto na beto y’Afrika, kele zola ya muntu nionso. Tala ndinga ya mfumu ya nsi na beto, Felix Tshisekedi basisaka na kinzonzi ya yandi salaka na kilumbu ya sabala me luta na mbanza Addis-Abeba, na dibaku ya nsuka ya kimfumu nandi na ntu ya kimvuka ya bansi na beto y’Afrika. Kansi na kutuba ya mbuta Felix Tshisekedi ya fwana kusadila zola yayi.
MANGEMOSI : Mpe na kulanda nionso ya mbuta Felix Tshisekedi me katuka na kusala na ntu yayi ya kimvuka ya bansi y’Afrika, mbuta Mangemosi, nganga mayele mpe longi na banzonkanda ya malongi ya zulu, kisalu ya mfumu ya nsi me vanda mbote ; ya vanda na yayi me tadila ngwakana ti bansi ya nza. Lukuma ya Kongo Kinshasa me vutuka diaka na ndambu ya bansi ya nza, mpe ya ntoto na beto y’Afrika.
MONUSCO : Beto bikala kaka kuna na kizunga ya Ituri, wapi makesa ya Monusco nuanisaka na suka suka ya mazono bimpumbulu ya Codeco na miongo ya Uzi ya kele kuna na Territoire ya Djugu. Ya kele mingi makesa ya nsi ya Bangladesh ya ke na kusisa kukula bankadiampemba yina ya me tula sika na bau kuna samu na kunuanisa ntangu na ntangu makesa ya nsi, mpe kumwesa nkangu mpasi.
GOMA : Na Kivu ya zulu, na ntwala ya mukembo ya kumanisa nkinzi ya Amani, mazono, lumingu na mbanza Goma, ya baleke ya bansi ya mutindu na mutindu ya kizunga ya mazanga ya nene ya ntoto na beto y’Afrika, lombaka na bantwadisi ya ndambu yayi ya nza na kupesa maboko na mukembo yayi ya kinkulu.
/sites/default/files/2022-02/0702022-p-k-journalkikongomatin-00.mp3
