- KINSHASA: Nsangu ya nene na suka yayi kele zola yayi ya kuvutuka ya ngemba na kizunga ya mazanga ya nene ya ntoto na beto y’Afrika ya b’episecopo ya dibundu ya Catholica ya nsi na beto ya Kongo Kinshasa, Rwanda, mpe Burumbi me monisa.
- KINSHASA: Nsangu ya Kiese mpe na suka yayi kele na ndambu ya SCTP, Compagnie yayi ya mbula matadi ya me zabisa kuvutuka diaka ya bamaswa na yau, tuka kilumbu ya bubu yayi na banzadi mingi ya nsi na beto.
- KIKWIT: Na kizunga ya Kwilu, kuna, kele kudila ya bisadi ya Secope Kwilu ya zole, ya ba katulaka mazina na kati ya mikanda ya lufutu.
- GOMA: Na bizunga, beto kwenda ntete na Kivu ya zulu, wapi kunuana na kati ya makesa ya nsi mpe bimpumbulu me kuma bonso mvindu ya nitu, wapi bantu mingi me tina babwala na bau.
- BUTEMBO: Mpe na ndambu na bau, bimvuka ya nkangu kaka ya kuna na Kivu ya zulu, me bokuta mingi na lukanu ya nzo ya bisalu ya Fec Butembo-Lubero me katuka na kubaka samu na kutelemisa bisalu ya nsobasani ya bima na kati ya nsi na beto mpe bansi ya nzenza, na nzila ya Mpondwe-Kasindi, na kutala mavuanga ya bimvuka ya bimpumbulu ke na kulanda na kunata kuna.
/sites/default/files/2022-07/1107022-p-k-journalkikongomatin-00.mp3
