- GOMA : Na bansangu yayi, beto ta losa ntete disu na Kivu ya zulu, wapu mwa ngemba me vutuka na Territoire ya Rutshuru.
- KINSHASA : Na yayi me tadila mpasi ya essence to diaka mazout awa na mbanza Kinshasa, beno ta landa dibanza ya mbuta Emery Mbantshi Bope ya kele ntwadisi ya lukutakanu ya ba Compagnie ya bantu ya ke tekaka mazout mpe essence yayi.
- KINSHASA : Kele bubu yayi ya Cour de cassation ta pesa diabnza na yau na nkanu ya ba mvula kumi na tatu ya nzo ya masonga ya Gombe zengilaka mbuta Vital Kamhere.
- LUBUMBASHI : Bonso awa na bwala kimfumu, Kinshasa, na bisika ya ba ke tekaka esence to diaka mazout, kima mosi ve salamaka na kilumbu ya sabala me luta. Bayankaka bwelaka ntalu ya litre. Na mutindu yayi, binati ba bus yankaka mpe landaka bau. Ntalu ya bantu lendaka ve kubuya.
- KINSHASA CIMENT : Beto vutuka awa na mbanza Kinshasa, Nana Pluriche Mambu, wapi ya me lunga bubu yayi kiteso ya ngonda mosi ya ntalu ya Ciment me mata ntalu. Sac ya vandaka ke tekama na ba dollars uvua, me kuma kutekama bubu yayi na ba dollars kumi nazole.
- MBUJI-MAYI : Beto kwenda ntangu yayi na kizunga ya Lomami wapi mfumu ya Territoire ya Lubao zibulaka bisalu ya kubongisa kiamvu ya Mishi, ya kele na kiteso ya bkm makumi zole na zole na kukuma Lubao-Centre.
- BUTEMBO : Beto vutuka diaka na Kivu ya zulu, wapi kisalu ya kuloba bambisi me kita mingi na dizanga ya Edouard. Kikuma, ya kele kuloba na nzila ya muyibi ya me kuma ngolo, me zabisa bimvuka ya nkangu ya bwala Kyavinyonge, ya kele na mwa ntoto ya Bashu, na bukula yina ya dizanga ya Edouard.
/sites/default/files/2022-04/1104022-p-k-journalkikongomatin-00.mp3
