Ngumu ya dilolo
- Kinshasa: bantu basatu mbafua diba divua ndeka wa basalayi ba ditunga dia kongo mukuata kapia ku tshipalu tshia ndeka tshia ndolo.
- Kinshasa: Mfumu wa ditunga Félix Antoine Tshisekedi Tshilombo mufika mu disatu edi ku Entebbe, mu ditunga dia Ouganda mu luendu lua mudimu . muaba ewu ne atuilangana ne muinenda wa ditunga dia ouganda Yoweri Museveni.
- Goma:Mu Territoire wa Nyiragongo,njila mivua mikanga ne midimu yonsu mimanyika miaba ya bungi mu disatu edi mu groupement Muja.
- Goma: Nord-Kivu , bantu ba bungi mbimana kulu bua kuakula bua tshitupa tshia malaba tshia Nzulo mu groupement Kamuronze, chefferie Bahunde territoire wa Masisi.
- Kisangani:Mu province wa Tshopo, société civile forces vives udi wela patoka dipanga dikubibua didi mu tshimenga tshia kisangani ne miaba mikuabu.
- Bandundu:Nsombelu wa bena kongo ba bungi bavua bipata mu ditunga dia Angola udi wenda anu unianguka dituku dionso ku Shakoufwa mu province wa Kwango.
- Kinshasa: Bantu batua ku 1000 mbafua ku disama dia mbalanga ya nsoku katshia ku ngondu wa kumpala . bantu binunu 38,185 bavuabu bamba ne badi mua kuikala ne disama edi kadi anu bantu batua ku binunu 8 ki bavua bajadika ne disama edi .
- Beni:Lutatu lukola ludi lumueneka ku santala wa bukola bua mubidi wa Samboko mu territoire wa Beni,ku Nord-Kivu. Katshia ba adf batua santala wa bukola bua mubidi ewu kapia mu tshidimu tshia 2018, bidi bikola bua bobu kutumika.
- Kinshasa : mu mulubu mupatula kudi bena licoco ne odep , badi baleja ne mushindu udi makuta a mbula maatdi mapatula bua imua poloje maya mu bibombi bia bantu.
- Bukavu:Nsangilu ya balongeshi bak u sud-kivu kabena kabidi buvuangana bimpa to ne balongeshi badibu bamba ne babakosa mishiku.
- /sites/default/files/2024-10/301024-p-t-journal_tshiluba_soir_web.mp3
