" inki mutindu bau ta tulama na bisalu binama ya inzo ya kinzonzi ya ba ntumwa ya kangu mpe bayina ya Sénat ? "

” Inki mutindu bau ta tulama na bisalu binama ya inzo ya kinzonzi ya ba ntumwa ya kangu mpe bayina ya Sénat ? ”

* Binama ya assemblée nationale mpe ya Sénat ke yandika kisalu bilumbu kumi na tanu na nima ya kuzaba ba mvutu ya bisalu ya kupona ba ntumwa na iya ya nsiku ke twadisa RDC. Ndonga kama zole makumi zole na iya, mingi na nsiku 06 / 006 ya salamaka na bilumbu ivua ngonda tatu mvula mafunda zole na sambanu. Yau ke tala kuponama ya mfumu ya insi mpe ba ntwadisi nionso ti na bizunga na insi ya mvimba République Démocratique du Congo yau ke tuba ti,konso kitini ya inzo ya kizonzi fwana kutana na bisalu na kilumbu ya kumi na tanu ke landa kupesama ya ba mvutu ya kuponama ya ba ntumwa ya kangu, sambu bau kutula binama ya ta twadisa bisalu sambu na mwa tangu, yau ta twadisama na muntu kele mbuta na ba mvula kati na bau nionso, yandi ta zua lusadisu ya ba bantu zole kele ba leke na ba mvula kati ya ba ntumwa ya kangu nionso. Ba ntuadisi ya bisalu ina ta ndima kuyandika ya bisalu ya ba ntumwa ya kangu na konso kitini na kuponama na bau ti kuna bau ta tula ba ntwadisi ta zingila.ba ntwadisi ina bau ta tula sambu na mwa tangu, bau ta tala piya diambu ya kusonika ba nsiku mpe kundima yau. Bika beto zabisa ti,lukutakanu ina ya mwa tangu ke manisa kana bau me manisa mambu nionso ba bongisaka kusala na kilumbu ina.

“Mama Micheline nge lenda zabisa beto banani kele binama na kati ya bitini zole ya inzo ya kizonzi ? ”

* Bureau ya konso kitina ya inzo ya kizonzi ta vuanda na twadisi mosi to président,na bilandi na yandi zole,kinati ndinga mpe kilandi na yandi,bwela diaka muntu ke bakaka biuvu ya ba ntumwa ya kangu mpe kilandi na yandi. Na tangu bau ke pona ya ba mfumu ta twadisa inzo ya kinzonzi , bau fwana kupona mpe ba nketo bau monana na kati ya kimfumu ina.
Ba mfumu ya mwa ntangu fwana bika kiti ya kimfumu mbala mosi kana bayina ta zingila me banda kisalu.Kuponama ya ba mfumu ya kinzonzi ina ta zingila yau fwana salama na pwelele, muntu ke baka ba ndinga mingi yandi nde ke luta.
Beto bambula beno moyo ti, parlement nde ke sonikaka ba nsiku ya mbula matadi.Kisalu na yau ikele ya kusonika ba nsiku ina ta sadisa na ntwadisilu ya mbote ya insi. Kulandana na ndonga nkama mosi ya nsiku ya République Démocratique du Congo, inzo ya kinzonzi to Parlement ke ponaka ba nsiku , ke landila luyalu na bisalu na yau,mutindu mosi bisalu ya mbula matadi to ba entreprises publiques.
Na kati ya insi na beto, inzo ya kizonzi kele na bitina zole. Chambre basse to Assemblée nationale mpe chambre haute to Sénat. Konso kitini kele na bisalu mpe mbongo ya kutwadisa na yau.
Binama ya Assemblée nationale ba ke bokilaka bau ba députés nationaux, nzoka nde bayina ya Sénat ba ke bokilaka bau ba Sénateurs.
Ya fwana mbote beto zabisa ti, ntwadisi ya senat fwana vuanda muntu ya insi RDC to kuvanda na nationalité congolaise ya kubutuka.

Texte de SAMUEL KATSHAKrnOndes Courtes 3è HeuresrnTél. : 00243998909787rnExt.: 6961rnE-mail : [email protected] [email protected] de Micheline TshwalarnJournaliste Equipe ElectoralernRadio Okapi KinshasarnTel: +243 0998186793rnExt.; 6961