Fichier audio : téléchargez Flash pour écouter.
” Nani lenda pesa zina sambu na kuponama?”
* Mwana nionso ya Congo yandi vuanda nkento to bakala lenda pesa zina na yandi sambu na kuponama , yandi lenda twadisa bisalu ya politique na kati ya insi, kulandana na ba nsiku ke twadisa insi mpe ba nsiku me tala kupona, mutindu yau me bongisama na ndonga ivua ya nsiku 06 / 006 ya bilumbu ivua ngonda tatu mvula mafunda zole na sambanu me tala kubongisa bisalu ya kupona mfumu ya insi, ba ntumwa ya nkangu,ba ntwadisi na ba commune mpe ba Localité. Muntu ina bana ya Congo ta pona ,yandi fwana vuanda mwana ya Congo , yandi fwana vuanda na mvula ya kufwana na tangu yandi ke kwenda bika candature na yandi. Muntu ina fwana vuanda piya na ba inswa na yandi nionso ya ki civil mpe ina ya kusadila bisalu ya politique, kuvanda kati ya bantu me manisaka kusala enrolement to kusonika zina sambu na kupona na tangu yandi ke kwenda pesa zina na yandi sambu na kuponama.
Muntu ke zola kuponama yandi ke pesa kumbu na yandi mosi to candidat indépendant, to mpe na kati ya kimvuka ya politique ina me pesa yandi inswa ya kupesa kumbu sambu ba pona yandi.
Ya fwana mbote beto zabisa ti,ata iki mutindu ya kupona ta vuanda,muntu ina me zola ba pona yandi,yandi ta sala yau kaka na kitini mosi ya ntoto ya me bongisama sambu na kupona, ina ba ke bokila circonscription électoral.
” Inki mutinda bantu ta pesa zina na bau sambu na kuponama ? ”
* Ndonga kumi na nana ya nsiku 06/ 006 ya bilumbu ivua ngonda nana, mvula mafunda zole na sambanu me tala bisalu ya kupona mfumu ya insi, ba ntumwa ya nkangu,ba ntwadisi na ba commune, bizunga mpe na ba localité, ya ke tuba ti, ya vuanda candidat indépendant, parti politique to bimvuka ya politique fwana kukimonisa na Commission électorale indépendante.Kupesa zina kele kwenda na CEI na mikenda ya kundima mutindu ke zodila CEI, na mukanda ina, muntu yandi mosi me tula maboko. Bwela diaka photocopie ya carte ya muponi , mukanda ya kubutuka to attestation de naissance, fiche ya identité bwela diaka curriculum vitae na ba photos passeport iya, kidimbu ya parti politique to bimvuka ya politique,mukanda ya ke pesa yandi inswa me katuka na kimvuka politique sambu yandi pesa kumbu sambu na kuponama ,mpe mukanda ke songa ti yandi me manisa kufuta caution to mbongo mutindu ba zodilaka yau.
” Inki tangu ba lenda manga to kubuya kuyamba candidature ya muntu?”
* kulandana na nsiku ya kele na ndonga makumi zole na mosi ya me tala kupona kumbu ya muntu ke zola kuponama ba lenda manga yau ti, yandi lenda ponama ve,kana yandi me monisa luzolo na yandi ve na kusonikila CEI ,to kana yandi me pesa zina sambu na kupona na bisika mingi,mutindu mosi kana kumbu ya muntu ina me pesama na ba lukaya to ba liste mingi kaka na kitini mosi ya ntonto ya kupona to Circonscription electoral, mpe kana yandi me futa ve caution to mbongo ina ba ke lomba na ntwala ya kusonika zina ya muntu ke zola kuponama.Na ina me tatala ba rncandidatures pesamaka na ba listes ya ba partis politiques to ba candidats indépendants, yau ta ndimama ve,kana zina ya muntu mosi to bantu mingi ya kele na inswa ya kuponama ve ,me monana na liste ina.Mpe kana talu ya bantu fwana ponama me luta ina bongisamaka sambu na kitini ya ntoto me fwana sambu na kupona to circonscription électoral
Texte de SAMUEL KATSHAKrnOndes CourtesrnTél. : 00243998909787rnE-mail : [email protected] [email protected] Traduit en Kikongo par rnMicheline tshwalarnTél :00243998186793
